U-21 millimizin üzvü Lorenzo Mezzotero "Sampdoriya"nın əsas komandasına dəvət alıb.

Prosport.Az sportinfo.az-a istinadən xəbər verir ki, 18 yaşlı futbolçu daha əvvəl də əsas heyətlə məşqlərə çıxsa da, ilk dəfə təlim-məşq toplanışına aparılacaq.

İtaliya təmsilçisi yeni mövsümün hazırlıqlarına gənc forvardı da cəlb edib.

"Neftçi"nin yetirməsi özünü yaxşı tərəfdən göstərə bilsə, yeni mövsüm onu B seriyasında izləyə bilərik.

Forvard ilk dəfə U-21 yığmasının son toplanışına dəvət alıb.

O, Bəhreyn üzərində qələbə qazandığımız matçda (3:0) qol hesabını açmağı da bacarıb.