Xorvatiya millisinin müdafiəçisi Yoşko Qvardiolun “Mançester Siti”dəki gələcəyinə aydınlıq gəlib.

Prosport.Az xəbər verir ki, bu barədə insayder Fabritsio Romano məlumat yayıb. Məlumata görə, tərəflər yeni müqavilə ilə bağlı razılığa gəliblər. Yeni sözləşmə 2031-ci ilin yayına qədər qüvvədə olacaq.

Klub rəhbərliyinin 23 yaşlı futbolçunu komandanın əsas simalarından biri hesab etdiyi və uzunmüddətli planlarında mühüm yer verdiyi bildirilir.

Qeyd edək ki, Qvardiol 2023-cü ilin yayında “Mançester Siti”yə transfer olunub. O, İngiltərə klubunun heyətində keçirdiyi 122 oyunda 13 qol vurub və 10 məhsuldar ötürmə edib.