İsveç millisinin yarımmüdafiəçisi Mattias Svanberq DÇ-2026-da Tunisə qarşı keçirilən oyunda diqqətçəkən göstəriciyə imza atıb.

Prosport.Az xəbər verir ki, 27 yaşlı futbolçu 5:1 hesabı ilə başa çatan qarşılaşmanın 84-cü dəqiqəsində meydana daxil olub və cəmi 18 saniyə sonra rəqib qapısına yol tapıb.

“Opta”nın məlumatına görə, bu, 1966-cı ildən bəri dünya çempionatlarında sonradan oyuna qoşulan futbolçular arasında vurulan ikinci ən sürətli qoldur.

Bu göstərici üzrə rekord isə Uruqvayın sabiq hücumçusu Riçard Moralesə məxsusdur. O, DÇ-2002-nin qrup mərhələsində Seneqal ilə matçda meydana çıxdıqdan 16 saniyə sonra fərqlənmişdi.