"Pafos" klubu “Neftçi”dən ayrılan Murad Məmmədovun transferini rəsmən açıqlayıb.

Prosport.Az xəbər verir ki, bu haqda Kipr klubu açıqlama yayıb. 20 yaşlı futbolçu ilə 2030-cu ilin iyun ayınadək nəzərdə tutulan müqavilə imzalanıb.

"Neftçi"nin yetirməsi olan Murad Məmmədov Azərbaycanın U-21 milli komandasının üzvüdür. Klubun açıqlamasında bildirilib ki, 20 yaşı olmasına baxmayaraq, futbolçu artıq həm ölkədaxili, həm də beynəlxalq səviyyədə dəyərli təcrübə qazanıb və Azərbaycan futbolunun ən perspektivli istedadlarından biri hesab olunur.

“Pafos”un bəyanatında bu transferin klubun gənc istedadlara yatırım etmək, gələcəyi qurmaq və futbol fəlsəfəsinə uyğun inkişaf potensialı olan oyunçularla heyəti gücləndirmək strategiyasının bir hissəsi olduğu vurğulanıb.

Klub sonda Murad Məmmədovu Kiprdə salamlayaraq ona yeni komandasında uğurlar arzulayıb.