Ölkənin tanınan idmançılarından biri, sərbəst güləş üzrə olimpiya çempionu Toğrul Əsgərovun bu gün toy mərasimi keçirilir. 

Prosport.Az xəbər verir ki, toy mərasimi Bakıda şadlıq saraylarından birində təşkil olunub.

Mərasimində tanınan idmançılar, idman xadimləri, məşqçilər, beynalxalq dərəcəli hakimlər və digər rəsmilər iştirak edirlər .

Hazırda məşqçilik fəaliyyəti ilə məşğul olan Əsgərov güləş üzrə qadınlardan ibarət yığma komandanın böyük məşqçisidir.

Xatırladaq ki, Toğrul Əsgərov 2012-ci ildə Londonda keçirilən Yay Olimpiya Oyunlarında 60 kq çəki dərəcəsində qızıl medal qazanaraq olimpiya çempionu olub.