“Arsenal” yeni mövsüm öncəsi hücum xəttinin sol cinahını gücləndirmək üçün axtarışlarını davam etdirir.

Prosport.Az xəbər verir ki, bu barədə "The Athletic" nəşri məlumat yayıb. Baş məşqçi Mikel Arteta “Yuventus”un cinah oyunçusu Kenan Yıldızı əsas transfer hədəfi kimi müəyyənləşdirib.

London klubu artıq 21 yaşlı futbolçunun mümkün keçidi ilə bağlı Turin təmsilçisi ilə ilkin əlaqə saxlayıb. Lakin “Yuventus” müqaviləsi 2030-cu ilin yayına qədər olan gənc futbolçunu satmaq niyyətində olmadığını bildirib.

Buna baxmayaraq, “Arsenal” Türkiyə millisinin üzvünü transfer etmək fikrindən geri çəkilmir və klubun təxminən 100 milyon avro civarında təklifə hazır olduğu qeyd olunur. Lakin Dünya Kuboku səbəbindən danışıqların hələlik aktiv mərhələyə keçmədiyi bildirilir.

Kənan Yıldız 2025/2026 mövsümündə “Yuventus”un heyətində bütün turnirlərdə 47 oyuna çıxıb, 11 qol vurub və 9 məhsuldar ötürmə ilə yadda qalıb.