İngiltərə millisinin düşərgəsində xoşagəlməz hadisə baş verib.

Prosport.Az "The Sun" nəşrinə istinadən xəbər verir ki, komandanın Florida ştatından Kanzas Sitiyə furqonla göndərilən avadanlıqlarının bir hissəsi yolda oğurlanıb. Oğurlanan əşyalar arasında futbolçuların butsları, toplar və məşq ləvazimatları da var.

Bundan əlavə, baş məşqçi Tomas Tuhelin istifadə etdiyi taktiki lövhələrin, analitik avadanlıqların və masaj masalarının da itkin düşdüyü bildirilir.

İngiltərə millisi dünya çempionatına hazırlıq çərçivəsində Floridada təlim-məşq toplanışı keçib və bir neçə yoxlama oyunu oynayıb. Komanda bu matçlarda Yeni Zelandiya, Kosta-Rika və “Mayami Yunayted” üzərində qələbə qazanıb.

Qeyd edək ki, İngiltərə yığması DÇ-2026-da ilk oyununu iyunun 17-də Xorvatiya millisinə qarşı keçirəcək.