ABŞ yığması DÇ-2026-nın qrup mərhələsində Paraqvaya qalib gələrək tarixi nailiyyətə imza atıb.

Prosport.Az xəbər verir ki, amerikalılar qrup mərhələsinin ilk turunda Paraqvaya 4:1 hesabı ilə qalib gəliblər.

Bununla da ABŞ millisi 96 ildən sonra ilk dəfə dünya çempionatında rəqibini üç və ya daha çox top fərqi ilə məğlub etməyi bacarıb.

ABŞ yığması sonuncu dəfə buna 1930-cu ildə keçirilən ilk mundialda nail olmuşdu. Həmin turnirdə komanda həm Belçikanı, həm də Paraqvayı 3:0 hesabı ilə üstələmişdi.

O vaxtdan bəri ABŞ millisi dünya çempionatlarında heç vaxt üç qoldan çox fərqlə qələbə qazana bilməmişdi. Paraqvaya qarşı 4:1 hesablı qələbə isə bu 96 illik seriyaya son qoyub.