“Torino” klubunun yeni baş məşqçisi müəyyənləşib.

Prosport.Az klubun rəsmi saytına istinadən xəbər verir ki, komandanı İnyatsio Abate çalışdıracaq. 39 yaşlı mütəxəssislə 2028-ci ilin yayına qədər müqavilə imzalanıb.

Abate futbolçu karyerası ərzində “Milan”, “Napoli”, “Empoli” və “Torino”nun formalarını geyinib. O, həmçinin İtaliya millisinin şərəfini qoruyub.

Məşqçilik fəaliyyətinə “Milan”ın aşağı yaş qruplarında başlayan italiyalı mütəxəssis son olaraq B Seriyası təmsilçisi “Yuve Stabiya”nın baş məşqçisi olub.

Qeyd edək ki, “Torino” ötən mövsüm İtaliya A Seriyasını 12-ci pillədə başa vurub.