“Sabah”ın yeni transferi Eyden Makkarti üçün Cənubi Afrika Respublikasının “Kayzer Çifs” klubuna ödədiyi təzminat bəlli olub.

Prosport.Az yerli mətbuata istinadən xəbər verir ki, Bakı klubu 22 yaşlı futbolçuya görə təqribən 424 min dollar xərcə düşüb.

Üstəlik bu məbləğə əlavə bonuslar daxil deyil. 

Qeyd edək ki, "Sabah" Eyden Makkarti ilə 3+1 illik müqavilə bağlayıb. Mərkəz müdafiəçisi mövqeyində çıxış edən futbolçu “Kayzer Çifs” klubunun yetirməsidir. 22 yaşlı oyunçu CAR-ın U-23 millisinin də üzvüdür.