Azərbaycan Premyer Liqasına vəsiqə qazana bilməyən “Səbail” klubunda istefalar reallaşıb.

Prosport.Az fanat.az-a istinadən xəbər verir ki, Bayıl təmsilçisinin idarəetməsində çalışan şəxslər postlarından ayrılıblar.

Söhbət klubun icraçı direktoru Firuz Abdulla, baş direktor Zamiq Hüseynov və mətbuat sözçüsü Rəşad Məmmədovdan gedir.

“Dənizçilər”in sponsorsuz, yalnız AFFA-dan ayrılan maliyyənin ümidinə qalması onları bu addımı atmağa vadar edib.

Mayın 17-22-də Bakıda keçirilən Ümumdünya Şəhərsalma Forumunun 13-cü sessiyasına (WUF13) cəlb olunan Zamiq Hüseynov bu günlərdə klubdakı işini birdəfəlik tərk etdiyini təsdiqləyib.

Qeyd edək ki, “Səbail” I Liqada mövsümü 3-cü yerdə başa vurub və liderdən 7, pley-offa vəsiqə qazanan “Mingəçevir”dən isə 1 xal geri qalıb.