"Sabah"ın futbolçusu Aaron Maludaya Avropa klublarından təklif var.

Prosport.Az xəbər verir ki, 20 yaşlı vinger Şotlandiyanın "Seltik" və İtaliyanın "Sampdoriya" klubunun maraq dairəsinə düşüb.

İddiaya görə, yaxın günlərdə hər iki klub fransalı futbolçu ilə bağlı "Sabah"a rəsmi təklif göndərəcək.

Qeyd edək ki, Aaron Maluda 2025-ci ilin yayında Masazır təmsilçisinə transfer olunub. Gənc vinger "Sabah"ın heyətində Azərbaycan Premyer Liqasının və ölkə kubokunun qalibi adını qazanıb.