İtaliyanın paytaxtı Romada keçirilən Dünya Taekvondo Qran-pri turnirində Azərbaycan millisinin üzvü Qaşim Maqomedov (58 kq) bürünc medal qazanıb.

Prosport.Az xəbər verir ki, olimpiya mükafatçımız medala gedən yolda italiyalı, yunanıstanlı və çinli rəqiblərini mübarizədən kənarlaşdırıb. 

Qeyd edək ki, idmançımız turnirə Dünya Taekvondo Federasiyasının (WT) reytinq sıralamasına əsasən dəvət almışdı. Qran-pri seriyası dünya taekvondosunun ən nüfuzlu yarışlarından biri hesab olunur və burada qazanılan nəticələr idmançılara həm dünya reytinqi, həm də olimpiya təsnifatı xalları qazandırır.