Azərbaycanın kişilərdən ibarət basketbol millisi Lüksemburq və İrlandiya yığmalarına qarşı keçirəcəyi oyunların hazırlığına start verib.

Prosport.Az xəbər verir ki, iyunun 7-dən 14-dək Gəncə şəhərində təşkil olunacaq təlim-məşq toplanışına yığmanın baş məşqçisi Tahir Baxşıyev tərəfindən 14 basketbolçu dəvət olunub. Bunlar Amil Həmzəyev, Kamran Məmmədov, Endar Poladxanlı, Şirzad Şirzadov, Elşad Şirzadov, Cəbrayıl Əkbərov, Əkbər Məmmədov, Ulaş Turqut, Ercan Donat, Səid İsmayılov, Emanuel Aqbason, Orxan Aydın, Nicat Məmmədli və Derin Berkozdur.

Toplanış millimizin "EuroBasket 2029"nın ilkin seçmə mərhələsi çərçivəsində Luksemburq və İrlandiya yığmalarına qarşı keçirəcəyi son qrup oyunlarına hazırlıq məqsədi daşıyır.

Qeyd edək ki, Gəncə toplanışında əsas milli komanda ilə yanaşı, Azərbaycanın U-18 və U-20 yığmaları da iştirak edəcək.