Gözlənilmədən Şahdağ Qusar FKdan ayrılan Elnur Abdullayevin işsiz günləri uzun çəkməyəcək.

Prosport.Az "sportinfo"ya istinadən xəbər verir ki, gənc mütəxəssis artıq yeni təklif alıb. Birinci Liqada uğursuz mövsüm keçirən "Səbail" onu baş məşqçi postuna gətirmək istəyir.

Tərəflər arasında ilkin danışıqların aparıldığı və böyük ölçüdə razılığın əldə olunduğu bildirilir. Bu səbəbdən Abdullayevin yeni mövsümdə Bayıl təmsilçisinin sükanı arxasında olması gözlənilir.

Qeyd edək ki, "Səbail"i başa çatan mövsümdə Adil Şükürov çalışdırıb. Komanda onun rəhbərliyi altında mövsümü 3-cü pillədə başa vuraraq Premyer Liqaya vəsiqə qazana bilməyib.

Klub rəhbərliyi artıq Adil Şükürovla yolları ayırmaq qərarına gəlib.