Türkiyə millisi DÇ-2026-ya hazırlıq çərçivəsində keçirdiyi son yoxlama oyununda Venesuela ilə qarşılaşıb.

Prosport.Az xəbər verir ki, Vinçenso Montellanın rəhbərlik etdiyi komanda rəqibini 2:1 hesabı ilə məğlub edib.

Oyunda hesabı Venesuela yığması açıb. Qarşılaşmanın 13-cü dəqiqəsində Qleyker Mendoza fərqlənib. Türkiyə millisi isə 44-cü dəqiqədə Barış Alper Yılmazın qolu ilə hesabı bərabərləşdirib.

İkinci hissədə üstün oyun nümayiş etdirən "ay-ulduzlular" 53-cü dəqiqədə Yunus Akgünün dəqiq zərbəsi ilə önə keçib. Qalan vaxtda hesab dəyişməyib və Türkiyə millisi qələbə qazanıb.

Qeyd edək ki, Türkiyə yığması bundan əvvəlki yoxlama görüşündə Şimali Makedoniyanı 4:0 hesabı ilə məğlub etmişdi.