Başa çatan mövsümün sonunda "Sumqayıt"ın baş məşqçisi postundan ayrılan Saşa İliçin yeni iş yeri müəyyənləşib.

Prosport.Az mozzartsport.com-a xəbər verir ki, 48 yaşlı mütəxəssis yenidən doğma klubu Serbiya "Partizan"ına qayıdacaq. 

İliçin vaxtilə birgə çıxış etdiyi, hazırda isə klub rəhbərliyində təmsil olunan Danko Lazoviçlə yaxın münasibətləri tərəflərin razılığa gəlməsindən vacib rol oynayıb. Təyinatın yaxın vaxtda rəsmən açıqlanacağı bildirilir.

Qeyd edək ki, Saşa İliç futbolçu karyerasının böyük hissəsini - 1996-2005-ci və 2010-19-cu illəri "Partizan"da keçirib. O, Belqrad təmsilçisinin tarixinin ən simvolik fiqurlarından sayılır. İliç futbolçu kimi "Partizan"ın heyətində 604 matçda meydana çıxıb, 160 qol vurub və 11 dəfə Serbiya çempionu olub.