Almaniyanın "Kayzerslautern" klubunda çıxış edən Azərbaycan millisinin hücumçusu Mahir Emreli komandadan ayrılmağı düşünür.

Prosport.Az xəbər verir ki, o, Azərbaycan millisinin heyətində Malta ilə yoldaşlıq oyunundan sonra jurnalistlərin suallarını cavablandırarkən bu haqda danışıb.

"Təbii ki, belə davam etsə, qalmaq barədə düşünməyəcəyəm. Onsuz da bu addım ilk olaraq məndən gəlməyib. Məşqçi nədənsə çıxıb belə bir açıqlama vermişdi. Bu oyunlar da o baxımdan önəmlidir ki, həm fiziki formam yerində qalsın, həm də digər klublar oyunumu görsünlər. Bununla menecerlərim məşğul olurlar. Reallıq odur ki, klubla 2 illik müqaviləm var. Açıq şəkildə gedəcəyimi, yaxud da qalacağımı demək çətindir".