Fabiyan Buntiç "Qarabağ"ı tərk etməyə hazırlaşmır.

Prosport.Az sportinfo.az-a istinadən xəbər verir ki, Almaniya pasportuna malik qapıçı yeni mövsümü də ölkəmizdə keçirəcək.

Bir sözlə, 29 yaşlı qolkiper 3 illik müqaviləyə sadiqdir. O, artıq menecerləri bu barədə məlumatlandırıb.

Xorvatiya əsilli qapıçı onunla maraqlanan klubların diqqətinə çatdırıb ki, 2027-ci ilin yayına qədər "Qarabağ"da çıxış edəcək.

Bir ildən çoxdur əsas heyətdə yerini itirməsinə baxmayaraq, rəqabətdən çəkinmədiyini, yenə "1 nömrə" olmağa ümidini itirmədiyini söyləyib. Qeyd edib ki, baş məşqçi Qurban Qurbanov və rəhbərlik də ayrılığın əleyhinədir.

Buntiçin son klubu 2022-ci ilədək şərəfini qoruduğu Portuqaliya təmsilçisi “Vizela” olub. O, bunadək karyerasına başladığı “İnqolştadt”da (Almaniya) forma geyinib.

Xorvatiyanın U-18 və U-19 milli komandalarında da oynayıb.