"Neftçi"nin transfer gündəmində yer alan Afimiko Pululu karyerasını yenə Polşada davam etdirə bilər.

Prosport.Az xəbər verir ki, mövsümün sonunda Polşanın "Yagelloniya"dan ayrılan hücumçu "Vidzev"lə danışıqlar aparır.

Hətta tərəflərin anlaşmağa çox yaxın olduqları bildirilir. İddiaya görə, 27 yaşlı forvard yeni klubunda "Yagelloniya"da qazandığından daha yüksək məvacib alacaq.

Qeyd edək ki, Afimiko Pululu son 3 mövsümü "Yagelloniya"da keçirib. Hücumçu bu müddətdə 134 oyunda meydana çıxaraq 56 qol vurub və 17 məhsuldar ötürmə ilə yadda qalıb. O, komandasının tarixi Polşa çempionluğunda mühüm rol oynayıb, həmçinin Polşa Superkubokunun qazanılmasına töhfə verib.

Pululu xüsusilə 2024/2025 mövsümündə UEFA Konfrans Liqasındakı çıxışı ilə diqqət çəkib. Belə ki, o, turnirdə vurduğu 8 qolla yarışın ən məhsuldar futbolçusu olub.