Azərbaycanın qadınlardan ibarət 3x3 basketbol millisi Polşanın paytaxtı Varşavada keçirilən dünya çempionatında sonuncu qrup oyununa çıxıb.

Prosport.Az xəbər verir ki, qızlar ev sahibi Polşa ilə oyuna fəal başlayıb və yekunda rəqibinə 20:13 hesabı ilə qalib gəlib. Bu qələbə millimizin qrup 2-ciliyini rəsmiləşdirib.

Qeyd edək ki, millimiz 1/4 final mərhələsinə vəsiqə uğrunda D qrupunun 3-cüsü ilə play-in görüşündə qarşılaşacaq.

20:38

Azərbaycanın qadınlardan ibarət 3x3 basketbol üzrə milli komandası Polşanın paytaxtı Varşavada keçirilən Dünya Kubokunda növbəti oyununa çıxıb.

Prosport.Az xəbər verir ki, baş məşqçi Ratko Delicin rəhbərlik etdiyi yığma günün ilk qarşılaşmasında Çexiya seçməsi ilə üz-üzə gəlib. Gərgin keçən görüşdə Azərbaycan millisi 14:11 hesablı qələbə qazanıb.

Komandamız bu gün qrup mərhələsindəki növbəti matçında turnirin ev sahibi Polşa yığması ilə qarşılaşacaq. Görüşün start fiti Bakı vaxtı ilə saat 20:55-də səslənəcək.

Qeyd edək ki, A qrupunda mübarizə aparan Azərbaycan millisi iyunun 1-də keçirdiyi ilk oyunlarda Madaqaskarı 21:13 hesabı ilə məğlub edib, Niderlanda isə 13:19 hesabı ilə uduzub. Çexiya üzərində qazanılan qələbə komandamızın qrupdakı mövqeyini yaxşılaşdırıb.