Türkiyəli basketbol məşqçisi Bedri Meriç yenidən Azərbaycanda işləyəcək.

Prosport.Az-ın xəbərinə görə, son 3 mövsüm "Gəncə" və "Şəki" komandalarında çalışmış məşqçi artıq Azərbaycan Basketbol Federasiyasında (ABF) çalışacaq.

Xəbəri ABF-in icraçı vitse-prezidenti Fərrux Mahmudov da təsdiqləyib. Onun sözlərinə görə, oğlanlardan ibarət aşağı yaş qrupları üzrə serbiyalı analitik məşqçi Milan Kotorats artıq ölkəmizdəki fəaliyyətini başa vurub və onu Bedri Meriç əvəzləyib. Meriç yeniyetmə oğlanlardan ibarət aşağı yaş qrupu üzrə millilərdə koordinator funksiyasını yerinə yetirəcək.

Qeyd edək ki, Milan Kotorats "Ordu" komandasında baş məşqçi Polad Həsənovun köməkçisi fubksiyasını da yerinə yetirirdi.

Onu da bildirək ki, Bedri Meriç 2024/25 mövsümündə "Şəki"ni Azərbaycan 3-cüsü edib. Ötən mövsüm isə onun rəhbərliyi ilə komanda tarixində ilk dəfə Azərbaycan Kubokunun yarımfinalınadək irəliləyib.