Almaniyanın Frankfurt şəhərində keçirilən karate üzrə Avropa çempionatında qadın kumite millimiz Azərbaycanın aktivinə daha bir medal yazdırıb.

Prosport.Az-ın Almaniyaya ezam olunmuş əməkdaşının verdiyi xəbərə görə, komandamız bürünc medal uğrunda görüşdə Ukraynaya 2:1 qalib gəlib.

Bununla da komandamızın noyabrda Çinin Quançjou şəhərində keçiriləcək Dünya Kubokunda iştirakı rəsmiləşib.

Qeyd edək ki, daha əvvəl Mədinə Sadıqova (55 kq) qızıl, İrina Zaretska (68 kq) bürünc medal qazanmışdı. Həmçinin, 3 parakarateçimiz – Fərrux Qaybalıyev, Aysel Əhmədli və Vidadi Xalıqov bürünc medal əldə edib.