Azərbaycanlı kikboksçu Çingiz Əlləzov Sinqapurun “ONE Championship” kəməri uğrunda keçirilən görüşdə prinsipial rəqibi Marat Qriqoryanı məğlub edərək titulunu qoruyub.

Prosport.Az xəbər verir ki, o, Tailandın paytaxtı Banqkokda keçirilən “ONE Fight Night 13”də erməni rəqibinə qalib gəlib.

Bununla da Əlləzov Qriqoryandan 2013-cü il dekabrın 14-də Fransada aldığı məğlubiyyətin əvəzini çıxıb.

Döyüşdən sonra Çingiz babasının 10 il əvvəlki arzusunu çatdırıb. O, 3 ay əvvəl dünyasını dəyişmiş babasının arzusunun onun Marat Qriqoryana qalib gəlmək olduğunu kövrələrək bildirib: "Baba, bu döyüşdə sənin üçün qalib gəldim".

Qeyd edək ki, Gürcüstan azərbaycanlısı olan, Belarusda yaşayan Çingiz Əlləzov bu ilin yanvarında dünyanın məşhur kikboksinq təşkilatlarından olan “ONE Championship”in çempionu olub. O, indiyədək 61 qələbə qazanıb və cəmi 5 dəfə məğlubiyyətlə üzləşib.