"Sabah" ardıcıl 4-cü dəfə Azərbaycan Basketbol Liqasının qalibi olub.

Prosport.Az xəbər verir ki, final seriyasının 3-cü oyununda "Abşeron Layns"ı üstələyən "bayquşlar" 2025/2026 qızıl medallara sahib çıxıb.

Bakı İdman Sarayında baş tutan görüş "Sabah"ın 108:95 hesablı qələbəsi ilə bitib.

Bakı təmsilçisi əvvəlki iki görüşdə də rəqibini məğlub etmişdi - 98:93, 112:84.

Xatırladaq ki, reqlamentə əsasən, final seriyasında 3 qələbəyə çatan kollektiv Azərbaycan Basketbol Liqasının qalibi olur.