AFFA U-16 Liqasının II mərhələsinin XIII turunda “Qarabağ” öz meydanında “Zirə”ni 5:0 hesabı ilə məğlub edib.

Matçdan sonra komandanın baş məşqçisi Rauf Əliyev Prosport.Az-a oyunla bağlı fikirlərini bölüşüb:

“Uşaqlardan razı qaldıq. Həm yaxşı oyun göstərdilər, həm də tapşırıqları yerinə yetirdilər. 2010-cu il təvəllüdlü futbolçular millidə olduqları üçün onlara istirahət vermişdik. Əsasən 2011-ci il təvəllüdlü uşaqlar oynadı, təxminən 7-8 nəfər. Onlar da özlərini yaxşı tərəfdən göstərdi. Fikrimcə, belə davam etsələr, gələn il özlərindən bir yaş böyük futbolçularla oynamaq şansları yüksəkdir. Özlərinə də bunu demişəm. Keyfiyyətli uşaqlardır. Komandadan razı qaldım. Böyükhesablı qələbə qazandıq. Bir sözlə, tam razıyıq”.

Qeyd edək ki, "Qarabağ" sona 1 tur qalmış 30 xalla 2-ci sıradadır. Komanda çempionluq şansını qoruyub saxlayır.

Bahar Rüstəm