"Allaha şükür olsun ki, bu nəticəni əldə etdim. Fürsətdən istifadə edib, Azərbaycan Güləş Federasiyasına, məni dəstəkləyən hər kəsə öz minnətdarlığımı bildirmək istəyirəm".

Prosport.Az xəbər verir ki, bu sözləri Albaniyanın paytaxtı Tiranada keçirilən Avropa çempionatında gümüş medal qazanan Azərbaycanın sərbəst güləşçisi Arseni Cioyev (86 kq) deyib.

O, təəssüratlarını Güləş Federasiyasının rəsmi saytı ilə bölüşüb: "Bizə bu cür şərait yaradan federasiyamıza təşəkkür edirəm. Çəkdiyimiz əziyyət onu göstərir ki, gələcəkdə qızıl medal da əldə bilərik. Çalışacağam ki, bu medalın əyarını qızıla çevirim”.