"Bu, böyüklərin Avropa çempionatında debütüm idi. Keçən ay U-23 Avropa çempionatında qalib olmuşdum. Üstümdə əməyi olan məşqçi heyətinə, məni dəstəkləkləyənlərə öz minnətdarlığımı bildirirəm".

Prosport.Az xəbər verir ki, bu sözləri Albaniyanın paytaxtı Tiranada keçirilən Avropa çempionatında qızıl medal qazanan Azərbaycanın sərbəst güləşçisi Ali Tsokayev (92 kq) deyib.

Avropa çempionu təəssüratlarını Güləş Federasiyasının rəsmi saytı ilə bölüşüb: "Final görüşü istədiyim kimi başlamadı. Görüş bir az gərgin keçdi və bir qədər təzyiq var idi. Amma şükür, nəticə istədiyim kimi oldu. Gələn il inşallah 97 kq-da çıxış etməyi planlaşdırıram.”