"Qələbə qazandığımıza və final seriyasına yüksəldiyimizə görə şadam".

Prosport.Az xəbər verir ki, bu sözləri "Sabah"ın baş məşqçisi Rimas Kurtunaytis Azərbaycan Basketbol Liqasının yarımfinal mərhələsində "Gəncə"yə 78:73 hesabı ilə qalib gəldikləri 2-ci oyundan sonra deyib.

Litvalı mütəxəssis bildirib ki, rəqib liqanın ən yaxşı təşkilatlanmış komandalarından biridir: "Bu cür komandaya qarşı oynamaq asan deyil. Rəqibi mövsüm ərzində sərgilədiyi gözəl və layiqli mübarizəyə görə təbrik edirəm. Müntəzəm çempionatla pley-off mərhələsi fərqlidir. Bu mərhələdə şanslar bərabərdir. Bizim üçün çətin oyun olsa da, ruhdan düşmədik. Final seriyasındakı rəqibimizə gəlincə, güclü olan qalib gəlsin".