Azərbaycan samboçusu Tuncay Şamil Serbiyanın Novi Sad şəhərində gənclər və yeniyetmələr arasında keçirilən Avropa çempionatında qızıl medal qazanıb.

Prosport.Az xəbər verir ki, yarışın son günündə tatamiyə çıxan idmançı 98 kq çəki dərəcəsində bütün rəqiblərini üstələyərək Avropa çempionu olub.

Azərbaycan millisi qitə çempionatını 1 qızıl, 2 gümüş və bir neçə bürünc medalla başa vurub.

Azərbaycan Sambo Federasiyasının prezidenti Ceyhun Məmmədov gənc idmançının çıxışını yüksək qiymətləndirib: "Tuncayın cəmi 20 yaşı olsa da, artıq böyük potensiala malikdir və gələcəkdə dünya səviyyəli uğurlar qazana bilər".