Azərbaycan güləşçisi Jalə Əliyeva (57 kq) və Birgül Soltanova (65 kq) Albaniyanın paytaxtı Tiranada keçirilən Avropa çempionatında bürünc medal uğrunda yarışacaqlar.
Prosport.Az xəbər verir ki, yarımfinalda Jalə Əliyeva Elvira Akamaloğluya (Türkiyə), Birgül Soltanova isə Alina Kasabiyevaya (UWW) uduzub.
Ruzana Məmmədova (62 kq) da daxil olmaqla hər üç idmançı bürünc medal uğrunda görüşdə mübarizə aparacaq.
Xatırladaq ki, daha əvvəl yunan-Roma güləşçilərindən Həsrət Cəfərov (67 kq) və Qurban Qurbanov (82 kq) qızıl, Rəşad Məmmədov (55 kq), Nihat Məmmədli (60 kq), İslam Abbasov (87 kq) bürünc medal qazanıblar. Yunan-Roma güləşi millisi komanda hesabında birinci olub.
14:57
Azərbaycanın 2 qadın güləşçisi Albaniyanın paytaxtı Tiranada keçirilən Avropa çempionatında yarımfinala vəsiqə qazanıb.
Prosport.Az xəbər verir ki, Jalə Əliyeva (57 kq) Amori Andriçə (Almaniya) qalib gəlib. 1/4 finalda isə o, Finlandiya təmsilçisi Yenna Hemiaeni məğlub edib.
Birgül Soltanova (65 kq) eyni mərhələdə Krista İntseni (Rumıniya) üstələyib.
Ruzanna Məmmədova (62 kq) ilk mərhələdə İlona Prokopevnyuk (Ukrayna) üzərində qələbə qazanaraq qitə birinciliyinə uğuru start verib. Lakin 1/4 finalda Amina Tandelovaya (UWW) uduzan Məmmədova yarımfinaldan kənarda qalıb.
Bu gün digər qadın güləşçilərdən Günay Qurbanova (59 kq) bürünc medal uğrudna qarşılaşmaya çıxacaq.
Avropa çempionatı aprelin 26-da başa çatacaq.
Xatırladaq ki, daha əvvəl yunan-Roma güləşçilərindən Həsrət Cəfərov (67 kq) və Qurban Qurbanov (82 kq) qızıl, Rəşad Məmmədov (55 kq), Nihat Məmmədli (60 kq), İslam Abbasov (87 kq) bürünc medal qazanıblar. Yunan-Roma güləşi millisi komanda hesabında birinci olub.