"Təəssüratlarım həqiqətən çox gözəldir. Bu gün çox sevincliyəm. Ardıcıl 4-cü qızılımı qazandım".

Prosport.Az xəbər verir ki, bu sözləri Albaniyanın paytaxtı Tiranada keçirilən Avropa çempionatında qızıl medal qazanan Azərbaycanın yunan-Roma güləşçisi Həsrət Cəfərov deyib.

Dördqat Avropa çempionu olan idmançı təəssüratlarını bölüşüb: "Həqiqətən də bu qızıl medalların arxasında böyük əziyyət, zəhmət dayanır. Bu "qızıl"ı qazandıqdan sonra onun həzzini indi hiss edirəm. Heç bir əziyyət yadıma düşmür. Yalnız yadda qalan bu qızıl medal olur. Bu "qızılım"ı, tarixi uğurumu qızıma həsr edirəm".