Azərbaycanın daha bir yunan-Roma güləşçisi Qurban Qurbanov Albaniyanın paytaxtı Tiranada keçirilən Avropa çempionatında qızıl medal qazanıb.

Prosport.Az xəbər verir ki, 82 kq çəki dərəcəsində mübarizə aparan təmsilçimiz 1-ci yer uğrunda qarşılaşmada Adlet Tyulbayevə (UWW) 4:2 hesabı ilə qalib gələrək fəxri kürsünün ən yüksək pilləsinə yüksəlib.

Bununla da yunan-Roma güləşçilərimiz yarışı 2 qızıl, 3 bürünc medalla başa vurublar. Daha əvvəl Rəşad Məmmədov (55 kq), Nihat Məmmədli (60 kq) və İslam Abbasov (87 kq) bürünc medal qazanıblar.

Qeyd edək ki, Avropa çempionatı aprelin 26-da başa çatacaq.

21:51

Azərbaycanın yunan-Roma güləşçisi Həsrət Cəfərov Albaniyanın paytaxtı Tiranada keçirilən Avropa çempionatında qızıl medal qazanıb.

Prosport.Az xəbər verir ki, 67 kq çəki dərəcəsində mübarizə aparan təmsilçimiz çempionluq uğrunda qarşılaşmada türkiyəli Avropa çempionu Murat Fırata 7:5 hesabı ilə qalib gələrək fəxri kürsünün ən yüksək pilləsinə yüksəlib.

Bununla da Həsrət Cəfərov ardıcıl 4-cü dəfə Avropa çempionu olub. 

Həmçinin, Nihat Məmmədli (60 kq) Rusiya təmsilçisi Suner Konunova 6:0 qalib gələrək bürünc medal qazanıb.

Qeyd edək ki, daha əvvəl yunan-Roma güləşçilərimizdən Rəşad Məmmədov (55 kq) və İslam Abbasov (87 kq) bürünc medal əldə etmişdi. Beləliklə, yunan-Roma güləş millimiz iranlı baş məşqçi Məhəmməd Bənanın rəhbərliyi altında yarışı 1 qızıl və 3 bürünc medalla başa vurub.