Azərbaycanın 2 yunan-Roma güləşçisi Albaniyanın paytaxtı Tiranada keçirilən Avropa çempionatında finala yüksəlib.

Prosport.Az xəbər verir ki, Həsrət Cəfərov (67 kq) və Qurban Qurbanov (82 kq) adlarını həlledici raunda yazdırıblar.

Hər iki idmançımız yarımfinalda Gürcüstan təmsilçilərinə qalib gəlib. Cəfərov Dieqo Çxikvadzeni 4:2, Qurbanov isə Gela Bolkvadzeni 2:1 hesabı ilə məğlub edib.

Finalda Həsrət Cəforov türkiyəli Murat Fıratla, Qurban Qurbanov isə neytral statusda çıxış edən Adlet Tyulyubayevlə qarşılaşacaq. Nihat Məmmədli (60 kq) isə bürünc medal uğrunda yarışacaq.

Bu gün həmçinin 2 güləşçimiz bürünc medal qazanıb. Rəşad Məmmədov (55 kq) və İslam Abbasov (87 kq) fəxri kürsünün 3-cü pilləsinə qalxıblar. Beka Kandelaki (130 kq) isə "bürünc" görüşündə məğlub olub.

Qeyd edək ki, Avropa çempionatı aprelin 26-da yekunlaşacaq.