Azərbaycanın yunan-Roma güləşçiləri Beka Kandelaki (130 kq) və İslam Abbasov (87 kq) Albaniyada keçirilən Avropa çempionatında bürünc medal uğrunda yarışacaqlar.

Prosport.Az xəbər verir ki, Kandelaki yarımfinalda Dariuş Viteklə üz-üzə gəlib. Macarıstanlı güləşçi ilə görüşdə 1:1 hesabı qeydə alınsa da, hakimlər sonuncu xal prinsipina görə rəqibi qalib elan ediblər.

İslam Abbasov (87 kq) isə yarımfinalda bolqarıstanlı Semyon Novikova 0:4 hesabı ilə uduzub.

1/4 finalda Emin Səfərşayevə (UWW) uduzan Rəşad Məmmədov (55 kq) isə rəqibi finala yüksəldiyi üçün təsəlliverici görüşə çıxacaq.

15:45

Albaniyanın paytaxtı Tiranada bu gün start götürən güləş üzrə Avropa çempionatında Azərbaycanın 2 yunan-Roma güləşçisi yaımfinala adlayıb.

Prosport.Az xəbər verir ki, İslam Abbasov (87 kq) və Beka Kandelaki (125 kq) finala vəsiqə uğrunda mübarizə aparacaq.

Abbasov polşalı Arkadiuş Kuliniçə qalib gələrək 1/4 finala yüksəlib. Azərbaycan güləşçisi bu mərhələdə Norveç təmsilçisi Eksos Mukubunu da üstələyərək adını yarımfinala yazdırıb.

Kandelaki isə startda yerli idmançı Qriseldi Kodrunu (Albaniya) məğlub edib. O, 1/4 finalda almaniyalı Yello Krameri də üstələyərək yarımfinala adlayıb.

Qeyd edək ki, Rəşad Məmmədov (55 kq), Ziya Babaşov (63 kq) və Sənan Süleymanov (77 kq) isə 1/4 finalda uduzub.