"İlk oyunla müqayisədə 2-ci qarşılaşma bizim üçün bir qədər çətin alındı. Pley-off mərhələsinin özəlliyi də bundadır. Oyunçu olaraq da bu hissi yaşamışam".

Prosport.Az xəbər verir ki, bu sözləri "Sabah"ın baş məşqçisi Rimas Kurtinaytis Azərbaycan Basketbol Liqasının 1/4 final mərhələsində "Naxçıvan"ı 97:86 hesabı ilə məğlub etdikləri 2-ci oyundan sonra deyib.

Litvalı mütəxəssis qələbəni şərh edib: "İlk oyunda hesab arasındakı fərq böyük olduğundan 2-ci oyuna psixoloji baxımdan köklənmək çətin ola bilər. Ona görə oyundan öncə də oyunçulara bildirdim ki, növbəti mərhələ haqda düşünmək hələ tezdir. Rəqibi hesabdan silmək olmaz. Lakin düşünürəm ki, ilk oyunla müqayisədə bu oyunun bizə daha çox faydası oldu. Bu qələbə bizə impuls verdi".

Qeyd edək ki, "Sabah" ilk matçda "Naxçıvan"a 106:74 hesabı ilə qalib gəlmişdi.