Ötən ay Macarıstanın paytaxtı Budapeştdə keçirilmiş güləş üzrə reytinq turnirindən sonra idmançılarımızın sıralaması bəlli olub.

Prosport.Az xəbər verir ki, həmin yarışda 2 sərbəst və 10 güləşçimiz yarışıb. Yunan-Roma güləşində Eldəniz Əzizli zədələndiyi üçün yarışda iştirak edə bilməyib.

Sərbəst güləşdə 1 gümüş, yunan-Roma güləşində isə 3 qızıl, 2 gümüş və 1 bürünc medal qazanılıb. Bu nəticə ilə Aleksandr Tarakanovun baş məşqçisi olduğu yunan-Roma güləşi üzrə komandamız hamıdan güclü olub.

Dərc olunan reytinq cədvəlində 16 idmançımız (6 sərbəst, 8 yunan-Roma və 2 qadın) yarışdıqları çəki dərəcələrinin ilk "10-luğ"unda yer almağı bacarıb. Güləşçilərimizdən ikiqat dünya və ikiqat Avropa çempionu Eldəniz Əzizli yarışa çıxmasa da, yeganə idmançımızdır ki, öz çəkisində liderdir.  

Sərbəst güləş
57 kq. Əliabbas Rzazadə 7-dən 8-ci sıraya düşüb.
65 kq. Əli Rəhimzadə 10-cu sırada qalıb.
74 kq. Cəbrayıl Hacıyev 7-dən 10-cu sıraya düşüb.
86 kq. Əbubəkr Abakarov 6-cı sırada qalıb.
92 kq. Osman Nurməhəmmədov 3-cü sırada qalıb.
97 kq. Məhəmmədxan Məhəmmədov 4-dən 2-ci sıraya qalxıb.

Yunan-Roma güləşi
55 kq. Eldəniz Əzizli 1-ci sırada qalıb.
60 kq. Nihat Məmmədli 12-dən 9-cu sıraya qalxıb.
63 kq. Taleh Məmmədov 2-ci sırada qalıb.
67 kq. Həsrət Cəfərov 3-dən 2-ci sıraya qalxıb.
72 kq. Ülvü Qənizadə 3-dən 2-ci sıraya qalxıb.
82 kq. Rafiq Hüseynov 5-cı sırada qalıb.
97 kq. Arif Niftullayev 4-dən 5-ci sıraya düşüb.
130 kq. Sabah Şəriəti 8-ci sırada qalıb.

Qadın güləşi
57 kq. Jalə Əliyeve 6-dan 7-ci sıraya düşüb.
65 kq. Elis Manolova 7-ci sırada qalıb.

Qeyd edək ki, bu reytinq cədvəlləri dünya çempionatları və Olimpiadalar zamanı püşkatmada önəm daşıyır və ilk "10-luq"da yer almaq püşkdə ilk görüşdə zəif rəqiblə qarşılaşmağa kömək edir. Üstəlik, Ümumdünya Güləş Federasiyası ilk "3-lük"də olan idmançılara İsveçrə frankı ilə pul ödəyir.

Səbuhi Musa