Azərbaycan millisinin və "Sabah"ın basketbolçusu Emmanuel Aqbason FIBA Gənclər Çempionlar Liqasında rəmzi komandaya düşüb.

Prosport.Az xəbər verir ki, ən yaxşı "5"likdə yer alan basketbolçumuz bir sıra orta statistik göstəricilər (effektivlik - 35, xal 24.5, ribaund – 16.5, blok-şot – 4.5) üzrə birinci olub.

Emmanuel Aqbason Gənclər Çempionlar Liqasında Türkiyənin "Tofaş Bursa" klubu ilə keçirilən oyunda dabl-dabla imza atıb. "Sabah"ın 86:60 hesablı qələbəsi ilə başa çatan oyunda 26 xal və 23 ribaundla qələbədə əsas pay sahiblərindən olub. "Sabah"ın Almaniya təmsilçisi "Porşe BBA Lyudviqsburq" komandasını 72:61 hesabı ilə məğlub etdiyi oyunda isə 28 xal, 20 ribaund və 8 blok-şotla turnirin rekord göstəricisinə imza atıb.

Xatırladaq ki, "Sabah" Azərbaycan basketbolu tarixində ilk dəfə iştirak etdiyi Gənclər Çempionlar Liqasında 12 komanda arasında 7-ci olub.