Azərbaycan Basketbol Liqasından (ABL) I Liqaya düşəcək komandalar müəyyənləşib.

Prosport.Az-ın xəbərinə görə, dünən başa çatan pley-in matçlarından sonra "Quba", "Sərhədçi", "Sumqayıt" və "Lənkəran" ABL ilə vidalaşıb.

Bu 4 komanda növbəti mövsüm yaradılacaq 6 və ya 8 komandalı I Liqada yarışacaq. Belə ki, bu 4 kluba aşağı dəstənin debüt mövsümündə 2 və ya 4 komanda da qoşulacaq.

ABL-in pley-off (1/4 final) mərhələsində mübarizə aparacaq komandalar isə növbəti mövsüm də Yüksək Liqada mübarizə aparmaq hüququ əldə edib. Bunlar "Sabah", "Abşeron Layns", "Neftçi", "Gəncə", "Şəki", NTD, "Ordu" və "Naxçıvan"dır.

Qeyd edək ki, Azərbaycan Basketbol Federasiyasının prezidenti Emin Əmrullayev ötən ilin sentyabrında jurnalistlərə verdiyi müsahibədə bunları demişdi: "Cari mövsüm həlledici rol oynayacaq. Növbəti mövsümdən 6 komandadan 8 komandalı liqaya keçmək istəyirik. Bu bizim əsas liqamız olacaq. Bundan əlavə, daha 6 və ya 8 komandalı I Liqa təşkil olunacaq. Hər il 1 komanda aşağı liqaya düşəcək, digəri yuxarı liqaya vəsiqə qazanacaq".