"UFC-də çaqqal yoxdur. Hamısı canavardır. Bu canavarlarla baş çıxartmaǧa 15 dəqiqə vaxtın var".

Prosport.Az xəbər verir ki, bu sözləri Azərbaycanın UFC döyüşçüsü Tofiq Musayev "CBC Sport"da efirə gedən "Bizim idman"da verilişində qonaq olarkən deyib.

İdmançı onu tənqid edənlərə maraqlı cavab verib: "Vallah, çayxanada oturub şərh yazmaq asandır. Siz bu oktaqonun ab-havasını bilmirsiniz. Hətta orda yanan işıqlar adama təsir edir. Silahın yoxdur, ancaq əl və ayaq, əsl müharibədir. Vacib deyil məni sevəsiniz, amma mənfi şərhlər yazmaǧa nə ehtiyac var, axı? 36 yaşım var, bu vaxta gədər heç kimə fikir bildirməmişəm, şərh yazmamışam. Mənəvi dəstək verə bilmirsinizsə, heç olmasa, mənfi şey yazmayın. Tamam, insan kimi bəyənmirsiniz, məcbur deyil. Hamının xoşuna gələ bilməzsən. Normaldır, amma heç olmasa, hörmət göstərin. Telefonu atmışdım qıraǧa, 1,5 ildir güləşirəm. 3 aydır qətiyyən şiriniyyat yemirəm. Azərbaycan MMA məktəbindən ora çıxan yeganə insanam. Asan idisə, mən tək nəfər olmazdım. Hər kəsin yaşayış tərzi fərqlidir, hörmət etmək lazımdır. Çayxanada şərh yazma, dur gəl, döyüş görüm, mənim bacarmadıǧımı edə bilsən, deyəcəyəm, halal olsun".

Qeyd edək ki, Tofiq Musayev martın 29-da ABŞ-nin Sietl şəhərində keçirilən UFC Fight Night: Adesanya vs. Pyfer turnirində çilili İqnasio Baamondesə qalib gəlib.