Azərbaycanın 19 yaşadək futbolçulardan ibarət millisi (U-19) Avropa çempionatının seçmə mərhələsində Şimali İrlandiyaya məğlub olub.

Prosport.Az xəbər verir ki, B Liqasının 6-cı qrupunda yer alan U-19 rəqibinə 1:2 hesabı ilə uduzub.

Matç Litvanın Kaunas şəhərindəki "Raudondvario" stadionunda keçirilib. Komandamız 25-ci dəqiqədə "Sabah"ın futbolçusu Tuncay Əhmədovla hesabı açsa da, 48 və 84-cü dəqiqədə buraxılan toplarla uduzub.

Xatırladaq ki, İlham Yadullayevin baş məşqçisi olduğu Azərbaycan millisi ilk görüşdə meydan sahibi Litvaya uduzub – 0:4. Bu, xalsız qalan komandamızın qrupda son matçı olub.