“Sabah”ın 18 yaşadək komandası (U-18) aprelin 7-12-də Bosniya və Herseqovinanın Laktasi şəhərində keçiriləcək U-18-lər arasında Çempionlar Liqasında mübarizə aparacaq.

Prosport.Az xəbər verir ki, 12 komanda 4 qrupda çıxış edəcək.

4-cü dəfə keçiriləcək yarışda ilk dəfə Azərbaycan təmsilçisi iştirakçılar sırasında yer alacaq. Püşkatmanın nəticəsinə əsasən, komandamız B qrupunda mübarizə aparacaq. Bu qrupda rəqiblər "İqokea" (Bosniya və Herseqovina) və "Porşe BBA Lyudviqsburq" (Almaniya) klubları olacaq.

Reqlamentə əsasən, qrup qalibləri mübarizəni yarımfinalda davam etdirəcəklər. 2-ci yeri tutanlar 5-8, qrup sonuncuları isə 9-12-ci yerlər uğurunda yarışacaq.