İlk dəfə FIBA Çempionlar Kubokunda mübarizə aparacaq Azərbaycanın qadınlardan ibarət 3x3 basketbol millisinin heyəti və oyunlarının vaxtı müəyyənləşib.

Prosport.Az xəbər verir ki, 2-ci dəfə təşkil olunacaq turnirdə yığma Arika Karter, Aleksandra Mollenhauer, Tatyana Deniskina və Brianna Freyzerdən ibarət heyətlə mübarizə aparacaq.

B qrupunda yer alan milli ilk olaraq martın 13-də Kanada və Taylandla qarşılaşacaq. Görüşlər müvafiq olaraq, saat 13:20 və 16:05-də başlayacaq. Martın 14-də isə rəqib İspaniya olacaq. Bu matç saat 12:30-da start götürəcək.

Qeyd edək ki, turnirin qalibi FIBA 3x3 Çempionlar Kuboku 2027, FIBA 3x3 Dünya Kuboku 2027 və 2028-ci il Olimpiya Oyunlarına vəsiqə qazandıran təsnifat turnirində iştirak hüququ əldə edəcək.