"Naxçıvan" Azərbaycan Basketbol Liqasının XVIII turunda "Lənkəran"a 104:73 hesabı ilə qalib gəlib.

Prosport.Az xəbər verir ki, matçdan sonra hər iki komandanın baş məşqçisi fikirlərini bölüşüb.

Nikola Bozinoski ("Naxçıvan"): “Oyundan öncə yaxşı hazırlıq mərhələsi keçmişdik. Milli fasilədə heyətdə bəzi çatışmazlıqlar olsa da, əsas oyunçular hər zaman hazır idi. Çox yaxşı komanda oyunu sərgilədik. Hər görüşə ciddi hazırlaşırıq. Rəqibdən bu cür oyun gözləmirdik".

Georgi Kondruseviç ("Lənkəran"): “Oyun haqqında nə deyəcəyimi bilmirəm. Fasilədən sonra ilk oyunumuz idi. Biz yenə 5-ə 5 məşqlər edə bilmirik. Çünki heyətimizdə 10 oyunçu yoxdur. Bu səbədən də heç nə alınmadı. Bərbad oynadıq”.