"Komandamı təbrik edirəm. Bu gün yaxşı basketbol göstərə bilməsək də, inamlı mübarizə apardıq".

Prosport.Az xəbər verir ki, bu sözləri "Sərhədçi"nin baş məşqçisi Anar Sarıyev Azərbaycan Basketbol Liqasının XVIII turunda "Ordu" üzərində 70:67 hesablı qələbədən sonra klubun mətbuat xidmətinə açıqlamasında deyib.

Mütəxəssis sona qədər oyundan qopmadıqlarını bildirib: "Müdafiədə vacib ribaundları götürdük. Hücumda səbətin altında çox topu dəyərləndirə bilmədik. “Ordu” ilk pillədədir, lider komandadır, onlar pley-off-a vəsiqəni təmin ediblər. Bu səbəbdən "Ordu" üçün vacib oyun deyildi. Bizə qələbə daha çox lazım idi. Onlar da tam istəkli deyildilər, biz isə yaxşı oynamasaq da, mübariz idik. Matçdan qopmamağımız qələbəni gətirdi".