Azərbaycan Premyer Liqasında XXII tura bu gün start veriləcək.

Prosport.Az xəbər verir ki, ilk oyun günündə 2 matç keçiriləcək.

Saat 14:30-da Yevlaxda "Kəpəz" - "Sumqayıt" qarşılaşması start götürəcək. Gəncə klubu 13 xalla 11-ci, "gənclik şəhəri" təmsilçisi 31 xalla 6-cı yerdədir.

Günün 2-ci görüşündə "Zirə" "Araz-Naxçıvan"la münasibətlərinə aydınlıq gətirəcək. Bu oyun saat 18:00-da başlayacaq. "Qartallar" 35 xalla 4-cü, Naxçıvan komandası 33 xalla 5-cidir.

Azərbaycan Premyer Liqası

II dövrə, XXII tur

27 fevral

14:30. "Kəpəz" – "Sumqayıt"

Hakimlər: Rəşad Əhmədov, Elşad Abdullayev, Gülnurə Əkbərzadə, Ruslan Quliyev.

VAR: Rəvan Həmzəzadə.

AVAR: Şirmamed Mamedov.

Hakim-inspektor: Ramil Diniyev.

AFFA nümayəndəsi: Rüfət Əmirov.

Yevlax şəhər stadionu

18:00. "Araz-Naxçıvan" – "Zirə"

Hakimlər: Rauf Cabarov, Akif Əmirəli, Zeynal Zeynalov, İslam Məmmədov.

VAR: Əliyar Ağayev.

AVAR: Teymur Teymurov.

Hakim-inspektor: Şahin Cəfərov.

AFFA nümayəndəsi: Namiq Əliyev.

"Liv Bona Dea Arena"

Qeyd edək ki, tura martın 1-də yekun vurulacaq.