Kişi basketbolçulardan ibarət Azərbaycan millisinin "Avro-2029"un ilkin seçmə mərhələsində İrlandiya və Şimali Makedoniya ilə oyunlar üçün geniş heyəti açıqlanıb.

Prosport.Az xəbər verir ki, baş məşqçi Tahir Baxşıyev yığmaya "Sabah"dan 4, "Neftçi", "Gəncə", "Şəki" və "Abşeron Layns"ın hərəsindən 2, "Ordu", "NTD" və İspaniyanın "Tenerife" klubundan isə bir oyunçu dəvət edib.

İlkin heyətdə Amil Həmzəyev, Əkbər Məmmədov, Emmanuel Aqbason, Endar Poladxanlı, Şirzad Şirzadov, Kamran Məmmədov, Ulaş Turqut, Cəbrayıl Əkbərov, Elşad Şirzadov, Vesli Van Bek, Derin Berkoz, Rəşid Abbasov, Ercan Donat, İsmayıl Abdullayev və Saadettin Donat yer alıblar.

Qeyd edək ki, Əkbər Məmmədov və İsmayıl Abdullayev geniş heyətə daxil edilsələr də, zədə səbəbindən təlim-məşq toplanışını davam etdirə bilməyiblər.