18 yaşadək futbolçulardan ibarət Azərbaycan millisi "İnkişaf Kuboku" turnirində sonuncu oyuna çıxıb.

Prosport.Az xəbər verir ki, yığmamız 5-ci yer uğrunda görüşdə Tacikistanın müvafiq yaş qrupundan ibarət komandası ilə qarşılaşıb.

Görüş rəqibin qələbəsi ilə bitib – 1:0. Millimizə qolu 2-ci dəqiqədə Bihişti Rəcəbzadə vurub və o, matçın ən yaxşı futbolçusu seçilib. Bununla da Aqil Nəbiyevin yetirmələri turniri 6-cı sırada başa vurub.

Xatırladaq ki, U-18 daha əvvəl keçirdiyi matçlarda Rusiya (1:7) və Özbəkistana (1:3) məğlub olub, özündən bir yaş balaca yaş qrupu olan Belarusa qalib gəlib – 1:0.