Misli Premyer Liqasında XXI turun daha bir oyunu keçirilib.

Prosport.Az xəbər verir ki, günün son matçında "Sabah" "Kəpəz"i qəbul edib. "Bank Respublika Arena"dakı qarşılaşma meydan sahiblərinin qələbəsi ilə bitib - 1:0. 88-ci dəqiqədə Kahim Perris fərqlənib.

Xallarının sayını 52-yə çatdıran Bakı klubu liderdir. Gəncə təmsilçisi 13 xalla 11-ci sıradadır.

Günün ilk görüşündə "Şamaxı" "İmişli" ilə qolsuz bərabərə qalıb.

Qeyd edək ki, XXI turun əvvəlki matçlarında "Turan Tovuz" "Zirə"ni, "Araz-Naxçıvan" "Karvan-Yevlax"ı (hər ikisi 2:0) məğlub edib. "Sumqayıt" - "Qəbələ" qarşılaşması qolsuz başa çatıb. Turun "Neftçi" - "Qarabağ" oyunu isə qeyri-müəyyən müddətə təxirə salınıb.