"Hesabdan razı qaldım. Həm özümüzün topladığı xalları, həm də xal fərqini nəzərdə tuturam. Amma buna baxmayaraq gərgin, emosional oyun alındı".

Prosport.Az xəbər verir ki, bu sözləri "Sabah"ın baş məşqçisi Rimas Kurtinaytis basketbol üzrə Azərbaycan Kubokunun yarımfinalında "Ordu"ya 83:66 hesabı ilə qalib gəldikləri oyundan sonra deyib.

Litvalı mütəxəssis klub tarixində ilk dəfə ölkə kubokunun finalına yüksəldiklərini bildirib: "Finalda potensial rəqiblərimizə gəlincə, həm "Gəncə", həm də "Şəki" hazırda yaxşı idman formasındadır. "Abşeron Layns" və "Neftçi" kimi klubları mübarizədən kənarlaşdırıblar. Hər 2 klubla cari mövsüm qarşılaşsaq da, final oyunları fərqli olur. Təbii ki, biz həmişə maksimum hədəflər uğrunda mübarizə aparırıq. Amma finalda şanslar həmişə 50/50-yə olur".